Viðskiptajöfur

Þú ert nýjungagjörn, yfirveguð félagsvera.

Það fyrsta sem viðskiptajöfurinn hugsaði þegar Ólafur og Dorrit trúlofuðust var hvaða áhrif það myndi hafa á gengi íslensku krónunnar. Honum finnst Donald Trump vera svalur... líka peningaklemmur. Hann ætlar, er, var eða vildi að hann hefði verið í Versló - en ekki söngleiknum.



Viðskiptajöfurinn tekur ákvarðanir með heilanum en ekki hjartanu og þarf að hugsa sig um þegar einhver spyr hann: "Peningana eða lífið!?" Hann hefur stáltaugar og getur lagt allt undir og í framtíðinni verður viðskiptajöfurinn annað hvort moldríkur - eða staurblankur.



Það er toppurinn að vera í teinóttu.


Hvaða tröll ert þú?

Ég veit það ekki ...

Fréttatími Stöðvar 2 í gær, sá síðasti í sögunni held ég, var frábær. Besti fréttatími Stöðvar 2 sem ég hef séð. Afsakið hlé næstum allan tímann, og ef það var ekki afsakið hlé þá voru þau að segja frá því að allt væri í klessu. Já, ég elska að horfa á afsakið hlé skiltið því þá veit ég að það er einhver, einhversstaðar að ÖSKRA á samstarfsmenn sína því þeir geta ekki hunskast til þess að laga eitthvað! Og það finnst mér ógeðslega fyndið!

Ég var alveg með massívan reiðilestur á tungunni þegar ég kom í Elko í gær að kría útúr þeim 5000 kall. Forsagan er sú að ég keypti mér sjónvarp á sunnudaginn sem var ekki til á lager fyrir það fyrsta, en var svo auglýst 5000 krónum ódýrara á mánudaginn og ég alveg brjál. Fór í Elkó og ætlaði að segja þeim til syndanna en: "Ekkert mál - Þú færð þetta endurgreitt!" Fékk meira að segja borgað til baka í peningum sem er mjög gott. Ég ætla að kaupa ísskápinn minn Elko!

En tækið var til á lager í gær og var í gangi í allt gærkvöld. Gekk reyndar frekar illa að festa það uppá vegg svo borðstandurinn verður að duga í bili. Eins og er standa tvær 12 tommu skrúfur útúr veggnum þar sem sjónvarpið á að vera, þær voru ekki alveg að gera sig. Fyndið samt að samanlagt eru þær næstum því stærri en sjónvarpið! ;)

Keypti mér LCD Philips flatskjá í dag. Gæinn í Elko sagði við mig stoltur að hann ætti 6 tæki þegar ég sagðist ætla að kaupa. Þegar við komum á lagerinn var það hinsvegar ekki raunin, lagerguttinn fann ekkert tæki eftir langa leit og eftir að hafa farið aftur uppí búð fengum við það staðfest. Elko átti ekkert tæki handa mér ... en góðu fréttirnar eru að tækið er í pöntun og kemur eftir helgi, og þá á ég flatskjá.

Það eru litlir einfaldir hlutir, eins og að kalla nafnið manns í staðinn fyrir eitthvað númer, sem gera Hamborgarabúllu Tómasar að frábærum hamborgarastað. American Style er ekki ennþá búinn að fatta það en fattaði hinsvegar að það borðar enginn tómata og setur papriku á hamborgarana sína og ég virði þá fyrir það, þó ég borði ekki papriku - hún er betri en tómatar.

Which O.C. Character Are You? Find out @ She's Crafty

Skrýtið hvað mér finnst Ástarfleyið vera miklu betri þáttur en íslenski Bachelorinn. Það er eitthvað touch í fleyinu sem er ekki í hinum þættinum.

Begga benti mér samt á það að þetta væri eins og heimildarmynd um ferðirnar mínar með unglingunum ... auðvitað mínus öll kynferðislega spennan sem er í liðinu og asnalegar reglur. En það er alveg rétt hjá henni, mér líður eins og ég hafi gert þennan þátt ... mig langar allavegana að hafa gert það. Og það er kannski touchið sem hann hefur.

Helvíti flottur þáttur sem lofar góðu ... Held samt örugglega áfram að horfa á Bachelorinn, bara til þess að lengja líf mitt - Hann er svo hlægilegur!

Verð samt að skjóta því að sem maður sem hefur farið í Tyrkneskt bað að ég geti ekki verið meira sammála krökkunum um að þetta sé hrein og klár snilld. Gufubaðið sem ég fór í var reyndar mun meira gufubað, það þurfti að leiða mann áfram svo maður myndi ekki ganga á vegg og glætan að það hefði verið hægt að taka upp sjónvarpsþátt þar. En þetta er eitthvað sem ég gleymi aldrei, og ekki Tyrklandi heldur ... frábært land.

Flakkarinn minn hrundi, sem er ekki gott. Það sem er hinsvegar gott í stöðunni er að frændi minn er master í tölvunarfræði, á heimleið frá Danmörku og ætlar að hjálpa mér að bjarga því sem bjargað verður.