Sundlaug Garðabæjar veit ekki alveg hvort að hún sé sundlaug eða heitur pottur. Fór og synti nokkrar ferðir um daginn og á leiðinni var ýmist sjóðandi heitt eða ískalt. Minnti um margt á gamla Bláa lónið þar sem maður var á eigin ábyrgð ef maður fór yfir appelsínugulu línuna, þar gat orðið mjög heitt.

Sundlaugin í Garðabæ var nú ekki svo heit, en hitabreytingarnar voru hálf eitthvað ... á mis.

ps. Kona um fertugt heiðraði mig með nærveru sinni í g-strengs bikiní. Ég verð ekki samur maður eftir það ...

Hehe, húmor ... Þýðandinn á the Biggest loser skrifaði nafnið sitt og þyngd í lok þáttarins í kvöld.

Þá er þessi vitleysa búin, get ekki sagt að ég hafi verið að fylgjast með en það er verið að gera aðra seríu. Kannski maður horfi á hana?

Ég er gæðablóð og þessvegna gaf ég blóð í Blóðbankabílnum við Byko í dag. Það er vont fyrst, svo versnar það en þegar það er búið þá líður manni voðalega vel. Mæli með því að allir gefi blóð ...

Skemmtileg sagan þegar Kristín Hartmanns og Gunnzi mönuðu hvort annað uppí að fara að gefa blóð, ég fór með svona uppá grínið og var sá eini sem endaði á bekknum því Kristín var ekki nógu gömul og Gunnzi má ekki gefa.

ps. Afgreiðslutími blóðbankans er 8 - 19 mánudaga og fimmtudaga, 8 - 15 þriðjudaga og miðvikudaga og 8 - 12 föstudaga skv. blodbankinn.is.

Heyrði fyrstu jólaauglýsinguna áðan, hvað er ... 20. ágúst.

"Við erum farin að hugsa til jóla á föndurloftinu í Garðheimum. (Yoy to the world klukknahljómur) Garðheimar"

Hvenær ætli Ikea byrji að telja niður til jóla?

Las það í DV í dag að samkvæmt airsafe.com þá hef ég flogið með hættulegasta flugfélagi í Evrópu, Turkis Airlines. Og það var ekki eitt flug, heldur 4! Frá Kaupmannahöfn til Istanbúl og frá Istanbúl til Ankara og svo aftur til baka. Icelandair er hinsvegar öruggasta flugfélagið ... Sem er gott!


Þú þarft að borga 594,8 milljónir í sekt ef þú reykir á flugvellinum í Ankara 

Filmus hefur sett nokkrar stórkostlegar sjónvarpsauglýsingar frá áttunda áratugnum á netið sem eru algjörir gullmolar.

Lagið í Keilusalnum í Öskjuhlíð er snilld en það vantar algjörlega Bílasölu Guðfinns.

Ég er eiginlega hættur að segja fólki að besti ísinn er í Íscafe á Suðurlandsbraut. Við Begga uppgötvuðum þessa ísbúð síðasta sumar eða einhverntímann og þá gat maður alltaf borðað ís og lesið séð og heyrt og önnur slúðurblöð í friði. Nú er yfirleitt röð þarna og fullt út úr dyrum og ekkert gaman ... enginn friður lengur! En þá er bara gott að fá sér ís í dollu og fara með hana heim ;)

*kaldhæðni byrjar* Það eru frábærar kvikmyndir, eins og Fantastic Four og Herbie, á leiðinni í kvikmyndahúsin. *kaldhæðni endar* Komst að því í gær þegar ég sá myndina the Hostage í gær, og hún var miklu betri góð ...

Ég fíla nýja lagið með Spútnik. "Og þó hún fari í lagningu, og láti klippa sig. Það virkar ekki á mig!" Snilldar texti, höfundurinn á skilið verðlaun!

Já, ég fékk kvörtun um helgina á stóra pallinum á þjóðhátíð ... "hey, ég ætla ekkert að líta út eins og stolker eða eitthvað en þú ert ekki búinn að blogga í tvö ár eða eitthvað" þannig að ég ætla að reyna aftur!

Men, pabbi var að versla breiðbandið áðan. Hann verður að sjá enska boltann og fékk óvart með nokkrar evrópskar stöðvar þannig að rásafjöldinn á sjónvarpinu heima er kominn í sirka 50. Mottóið mitt er samt því fleiri stöðvar, því meira sem þú missir af.

Fletti í gegnum þetta áðan og sá alveg Bang gang að stoppa ástina á SV1 og svo var Torrini í hjartastoppi á M6 sem er held ég frönsk stöð, allt voða íslenskt og voða gaman. Sáum líka Mythbusters á Discovery sem er alveg frábær en þýskur skemmtiþáttur var ekki að gera sig. Fólk átti að hringja inn og lesa útúr stafarugli sem var sett upp einhvernveginn svona:

H O L
W L O
Y O D

Í þrjár mínútur hringdi enginn inn meðan þulan reyndi að vera eggjandi (ath, hún var þýsk) og beit í varirnar í von um að einhver myndi hringja. Loksins hringdi einhver einn snillingur inn og fattaði að þetta var HOLLYWOOD og fékk 290 evrur fyrir! Eru þjóðverjar í alvörunni svona blindir fyrir ensku?