Ég skil ekki verðið á hjólum í Danmörku. Maður hefði haldið að þar sem selst mikið af hjólum er hægt að halda verðinu niðri - en neiiii! Þú getur fengið ljótt hjól á 35.000 íslenskar krónur! Það er meira en mánaðarleiga ...

Uppáhaldið mitt er að leita að sjálfum mér á internetinu.

Núna segir þjóðskráin að ég sé Andri Ómarsson, Dönmörku, 999 Erlendis.

Google finnur til dæmis mynd af mér, heimasíðu um leiki sem ég bjó til í Kennó og fullt af fundargerðum Ungmennaráðs Hafnarfjarðar.

Uppáhaldið mitt er samt síðan mín á IMDB. Ég man reyndar ekki eftir því að hafa unnið við Kalda slóð og það vantar klárlega Flags of our fathers í þennan lista. En hvenær fæ ég mynd!?

Maður er alltaf að læra eitthvað nýtt. Ég lærði að setja saman sjónvarpsskáp á dönsku í dag. Þurfti að nota skruetrækker og allt.

Svo lærði ég áðan að uppþvottahanskar koma í stærðum. Keypti small en hefði átt að kaupa medium. Man það næst!

Það var frekar fyndið að slökkva á hljóðinu í sjónvarpinu heima en heyra samt í áhorfendunum á Parken þegar einhver skaut framhjá.

Gatan okkar er full af bílum og það var ansi mikið af fólki í Fælledparken þegar við löbbuðum í gegn rétt fyrir leik. Eins gott að FCK vinni, annars verður allt crazy á eftir.

Danmörk fer okkur Beggu bara vel og sólin er búin að skína síðan við komum!

Reyndar kom hitaúrhellisrigning þegar við komum heim með dót úr Ikea - en við gátum notað stólana sem regnhlíf! Hinn mínusinn er að það er megn svitalykt af mörgum sem maður mætir á labbi :/ Það var reyndar ekki svitalykt af Tilly Scott Pedersen - aðalleikkonunni í Voksne mennesker - þegar við mættum henni í Mats á Strikinu.

Pósturinn sendist á Marskensgade 9, st. 1, 2100 København Ø - Hringið í +49 27 91 61 19

Jæja, ég er fluttur til Danmerkur. Sjáumst þar, um jólin eða þegar ég er alkominn heim aftur í febrúar.