Það réðst á mig kona í Bónus í dag. Henni fannst ég greinilega ekki labba nógu hratt svo hún skellti kerrunni bara aftan á ökklann á mér. Hreytti svo fyrirgefðu í mig, meinti það ekki og brunaði bara frammúr mér.

Ég stóð eftir sár og aumur. Haltraði í gegnum Bónus og mætti henni svo í Cheerios ganginum þar sem hún var að reyna að sannfæra son sinn, sem lá í kerrunni, um að það myndi sko enginn klessa á þau!

Ég held að þessi kona sé með króníska klessusýki og sé sú eina á landinu sem sakni klessubílanna í tívolínu í Hveragerði!

Ég er sigurvegari! Ég vann eitthvað í lífinu! Ég var í 1. sæti í áhugamannaflokki á
poolmóti starfsmanna félagsmiðstöðva í Hafnarfirði í gær. Toppiði það í komment!

Ég held ég láti græða álpappír í augnlokin á mér. Ég má ekki sjá minnsta sólarljós á morgnanna þá vakna ég og get ekki sofnað aftur og batterísljósið á tölvunni minni heldur stundum fyrir mér vöku á nóttunni ... Ég sem er með trérimlagardínur og hnausþykkar gardínur fyrir þeim og alt. Hvað er að ske?

Einhverra hluta vegna erum við Gunnar Steinn aðdáendur Leoncie á Last.fm!?

Ég býð mig hérmeð fram til Alþingis næstkomandi vor. Það eina sem ég ætla að gera á þingi er að lögleiða það að sparka í bíla og/eða rispa þá sem leggja ólöglega.

Ég skil ekki afhverju sumir leyfa sér alltaf að leggja asnalega og ólöglega þó það séu hundrað stæði laus, þau eru bara smá spotta frá innganginum og liðið er kannski að "flýta sér".

Ég legg metnað minn í það að leggja. Fer meira að segja stundum út og kíki hvort ég sé ekki innan línanna. Svo er ég drullu góður í að bakka í stæði. Staðsetja afturhjólið á hinum bílnum samsíða aftursætinu, leggja einn til tvo og hálfan á stýrið og bakka og snúa stýrinu til baka í leiðinni. Klikkar ekki!

Ari Edwald, forstjóri 365 miðla, sagði í dag að nú yrði samkeppni 365 og Símans ekki lengur um myndlykla heldur um dagskrá. Eitt það gáfulegasta sem nokkur maður hefur sagt lengi.

Tilefnið var að Síminn og 365 miðlar voru að ná samningi um sjónvarpsdreifingu á merkjum hvors annars. 15. apríl getur maður horft á Sirkus á myndlykli frá Símanum og Skjá Einn á Digital Íslandi. 15. júní verður hægt að horfa á aðrar stöðvar sem eru sendar út í opinni dagskrá og í haust verðar læstar stöðvar sendar út um öll kerfin. Eitthvað sem ég býð spenntur eftir.

Það er eitt alveg hrikalegt við að vera í fjarnámi. Það tekur mikið lengri tíma en staðnám! Haugur af fólki á MSN listanum mínum er að monta sig þessa dagana á því að vera að klára ... en ég á heilt ár eftir! Úff, sé útskriftina í hillingum!