Fór í vel heppnaða ferð norður á Sauðárkrók um helgina. Fór meðal annars á snjóbretti, svamlaði í Grettislaug og fór á hestbak á Gæja.

Fór lík á skotsvæði Skotfélagsins Ósmann. Félagar þar hafa hafið fjársöfnun til þess að borga fyrir mig árgjaldið. Skaut af riffli, hreindýrariffli, skammbyssu og haglabyssu og er víst bara helvíti góð skytta. Hitti allavegana 3 fljúgandi leirdúfur í 3 skotum.



Var allavegana kallaður Clint af þeim félögum, en það er líklega af því að þegar ég átti að segja frá reynslu minni af skotvopnum nefndi ég leik minn í Flags of our fathers. ;) Ég hefði samt viljað vera kallaður Bauer ... Jack Bauer.

Fleiri myndir ...

Það er einum of gaman að skoða hvað fólk er með í töskunni sinni á Flickr!

Áður en mánuðurinn er úti ætla ég að eiga mynd þarna. Gæti jafnvel verið af ferðatöskunni minni sem ég tek með mér í Skagafjörðinn um helgina ... eða myndavélatöskunni minni eða fartölvutöskunni.

Ég þarf að fara að kaupa mér nýjan síma. Hinn endist bara til 2099, hann skilur semsagt ekki dagssetningu eftir það. Beggu sími endist til 2101, kannski ég fái hann lánaðann í 2 ár. Hún hefur ekkert við síma að gera ...

Ég mundi ekki áðan hvort það væri eitt eða tvö emm í fimmtudagur. Ég þurfti að fletta því upp ...

Það var einhver alveg ógeðslega líkur Rayan úr O.C. á Óskarsverðlaununum ... en ég man ekki hver það var?

Var það Heath Ledger eða Matt Dillon?

Annars fór Ben Stiller á kostum sem "hausinn". Það var fyndið ...

Jei, ég get tekið gleði mína á ný. One tree hill byrjar aftur í mars ... Ég er einn af fáaum sem hefur alltaf fundist One tree hill betri heldur en O.C. - Hann er einhvernveginn miklu raunverulegri, O.C. er svo mikið gervi eitthvað?

EN HANN VERÐUR Á FÖSTUDAGSKVÖLDUM! Hvað er það?

Ég updeitaði flickr aðganginn minn í pró. Settum inn myndir frá Eurovision teitinu hjá Beggu, ferðinni okkar Beggu til London og svo setti Begga inn myndir frá kanínuafmælinu.