Ég fíla alla þessa fréttaannaála allsstaðar á þessum síðustu dögum ársins. Er fréttasjúkur eins og flestir karlar á þessu landi. Vel hérmeð DV sem blað ársins, las það upp til agna þegar það kom í gær í öllu sínu veldi ... algjör snilld!

Get ekki verið meira sammála nokkrum sem þar mæltu og útnefndu Kvöldþátt Guðmundar Steingrímssonar flopp ársins. Sá ekki einu sinni atriðið þegar Barði í Bang Gang gekk út í beinni útsendingu. Ég sá reyndar fyrstu niðurtalninguna í Kvöldþáttinn en slökkti svo strax og fór að gera eitthvað annað.

Sirkus lofar samt góðu. Við sjáum hvað gerist með nýju íslensku þættina á nýju ári. Verst að maður hafði ekki tíma til að gera pilot fyrir þá um daginn og vera með.

Ég man þegar ég hló að enskukennaranum mínum í Flensborg fyrir að leita að einhverju á netinu með Google, þá var Altavista eða Yahoo málið. Hvar væri maður án Google í dag? Google er málið ...

Ætli Val Kilmer, Nicole Kidman, Jim Carrey og Tommy Lee Jones líti á Batman Forever sem tímamótaleik hjá sér?

Gleðileg jól allir saman. Hef doldið verið að velta því fyrir mér hvað er versta jólalagið? Mér dettur helst í hug Glámur og Skrámur og talandi páfuglinn. Mamma og pabbi nefna jólahjól en ég get ekki verið sammála því.

Í tilefni jólanna eru hér nokkrar tengingar í anski skrautleg sérvíettubrot (1)(2)(3)

Jólinn eru rétti tíminn til að koma fjölskyldu og vinum á óvart með óvæntu sérvíettubroti ...

3 dagar til jóla og Kringlan er ennþá með sama leiðinlega auglýsingastefið. Er ekki kominn tími á að fara að finna eitthvað annað lag, eða fengu þeir svona góðan díl á STEF-gjöldunum hjá Magga Kjartans?

Ég kann að meta fólk sem merkir húsin sín vel. Er búinn að eyða síðustu dögum í að sendlast með jólagjafir og ég þoli ekki þegar hús eru illa merkt og maður þarf að skoða húsin í kring viða vel til að vita númer hvað þetta hús er ... og það er ekki gaman!

Rétt upp hönd sá sem er búinn að átta sig á því að Dr. Robert Chase í House er enginn annar en Billy sonur Susan og Karl Kennedy hjónanna úr Ramsey götu ...

Mér finnst ógeðslega gott að klæða mig í glænýja-bómullar-nike-sokka, beint úr plastinu ... þeir eru svo mjúkir og góðir!