Vá, gærdagurinn fór allur í ákveðið verkefni sem ég segi ykkur frá á eftir þannig að ég gat ekkert skrifað um afmælið hans Gunnza. Hann varð 21 árs á laugardaginn og ég, Sigga og Steinunn fórum að kaupa smá pakka. Keyptum myndir á vegginn hjá honum, agalega flottar! Svo héldum við smá grillpartý hér heima hjá mér á laugardagskvöldið og var bara rosa rosa gaman!

En svo gærdagurinn, ég var ræstur klukkan 09.52 í kvikmyndatöku. Gunni B, maðurinn sem kenndi mér allt sem ég kann um stuttmyndir, er að gera stuttmyndina Karamellur starring Jón Gnarr, Marikó Margrét, Elma Lísa, Gísli Snær, Tóti og litla stelpan Tóta fer með aðalnúmerið. (Framleidd af Þeim tveimur!) Agalega sniðug mynd og ég var eitthvað að aðstoða á setti í gær ... Var titlaður klappari eða Forest, allt eftir því hvort ég þurfti að hlaupa úr mynd eftir klapp eða ekki ... Mæli með því að vinna við að búa til bíó!