Morgunblaðið í dag greinir frá brúðkaupsferð nýgiftra hjóna. Þau gistu í tjaldi sem er náttúrulega mjög rómantískt og þá helst af því að veðurfarið á Íslandi er kannski ekki það allra áreiðanlegasta og því sérstaklega til þess fallið að sanna ást sína á hverju sem dynur. Það hleypur engin svo glatt heim til mömmu þegar slettist upp á vinskapinn í tjaldútilegu.
Þetta var sannkallað þemabrúðkaup, þemabrúðkaupsferð, eða öllu heldur ránsferð! Brúðhjónin höfðu sér það til afþreyingar að stela úr verslunum og af heimilum á svæðinu. Kannski nýstárlega útfærsla á gjafalistum sem hægt er að láta útbúa fyrir sig í fínni búðum. Fara bara og ná sér sjálfur í það sem mann langar í og spara gestunum sporin og fjárútlátin.
