Fyrsta ferð í sauðburð

1. Sauðburður hófst í síðustu viku í sveitinni. Við fórum og vorum langa helgi og stóðum vaktina á móti Gísla. Það var fínasta veður og hægt að vera mikið úti.
2. Lömbin komu nokkur í heiminn og vonandi að þau braggist vel sem og öll þau sem eiga eftir að líta dagsljósið þetta árið.

1. Það var mikil spenna að komast í fjárhúsin og sjá fyrstu lömb þessa vors. Sérstaklega var Arnaldur Kári spenntur að sjá hana Míu
2. og lömbin hennar. Í fyrra þegar Mía bar í fyrsta skiptið átti hún eina gimbur en núna bar hún tveimur og Arnaldur Kári nefndi þær
3. báðar Mimla...ekkert vera að breyta til!

1. Ég átti fyrstu næturvaktina (sem var sem betur fer róleg hjá borgarbarninu!). Hann Töggur fylgdist
2. mjög vel með öllu og skildi ekkert í því hvað ég veitti honum litla athygli!

1. Utan dyra er líka að lifna mikið yfir öllu og ekki er ég nú farin að ná blómamyndum þetta vorið
2. en fuglamyndirnar eru alveg óteljandi eftir helgi í sveitinni!!

1. Þrestirnir voru í miklu tilhugalífi og dönsuðu svo mikið að manni fannst maður lentur í
2. miðri Mjallhvítarmynd

1. Brýt hér aðeins upp myndaprógrammið...Sigurður á leið í fjárhúsin. Verst að jakkinn sést ekki betur
2. en ég nota hér tækifærið enn eitt árið og býð vel með farinn plas-ermajakka sem haldið var að hefði verið
3. í tísku í um viku árið 1993!! En æ, kannski ágætur í sveitinni...en ég get vottað það að endingin á þessum
4. jökkum er sorglega góð.

1. Ástþóri Erni leiðist ekki sauðburðartíminn og vill vera sem mest í húsunum að athuga hvort
2. "einhver sé líkleg"

1. Og ekki höfðum við nú tíma til að fylgjast náið með enska brúðkaupinu á föstudagsmorgun (ekki það að
2. ég held að RÚV hafi sýnt alla dagskrána fjórum sinnum á þremur dögum þannig að á endanum sá maður nú eitthvað!)
3. en kl. 10:30 að morgni föstudagsins 29. apríl bar Borgar-Blíða hrút og gimbur sem voru að sjálfsögðu nefnd
4. Vilhjálmur og Kata. Þeim feðgum leist í fyrstu ekkert á þetta grín mitt en Ástþór Örn stemmningsmaður sá
5. það skemmtilega í þessu og á laugardaginn birtist hann á Skessuhornsvefnum og leiddist það nú ekki!
6. Held að þetta hljóti að vera lambamyndin hans þetta árið :)

1. Ástþóri Erni sveið svolítið að bústofn Arnaldar Kára væri orðinn stærri en hans...
2. þar sem hann á eina kind sem var borin! Ástþór Örn hér ásamt forystuærinni hans henni
3. Fíónu sem er sett síðar í maí

1. Arnaldur Kári fékk aðeins að halda á rólegri Mimlunni og átti ekki orð yfir þessu öllu saman
2. Það er gaman að skoða sauðburð fyrri ára og sjá þessa bræður stækka og nýjar kynslóðir
3. fæðast í húsunum; 2005, 2006, 2007, 2008, 2009 og 2010

1. Á næturvakt hjá Sigurði bar gemlingurinn hans þessum fínu lömbum. Sigurður Ágúst fékk lamb í
2. húsunum að gjöf fyrir einhverjum árum og var það þegar Lord of the Rings æðið gekk yfir og hann
3. nefndi þá kind Galadríel eftir einhverri álfkonu þar.
4. Galadríel eignaðist svo gimbur og fékk nafnið Álfmóra og er óborin í ár (við pabbi aðstoðuðum aðeins
5. við nafngiftina - tengdum hana þar foreldrunum en við erum svolítið á svona nafnaseríulínu!). Álfmóra bar svo í fyrra þessari gimbur
6. sem hér var að bera. Í sauðfjárbókhaldinu er hún skráð undir nafninu Álfrún. Þeir feðgar eiga allir afskaplega spakar og ljúfar
7. kindur en ég hef verið svolítið í hinni deildinni og taka þeir bræður alveg sveig fram hjá henni Furu minni (sem er einmitt Eikardóttir!)

1. Á laugardaginn vatt ég mér út til að hirða hvítan plastpoka sem var fastur í trjánum...að ég hélt.
2. Þegar ég kom nær var þarna rjúpa í mestu makindum að reyna að fela sig, ég hefði átt að benda henni á
3. að fela sig í Reykjavík.

1. Á meðan Ástþór Örn fór í leiðangur um sveitina með Gísla drifum við hin okkur í göngutúr.
2. Arnaldur Kári var reyndar mest allan tímann að veiða hitt og þetta á þessa trjágrein og segja okkur
3. sögur af því hvað hann ætlaði að veiða mikinn fisk í sumar...svo drjúgur var hann með sig að mér heyrðist
4. það vera algjört aukaatriði að ná þessum fiskum öllum!!

1. Ástþór Örn og Gísli fóru víða og meðal annars hittu þeir þessa hvolpa að Hjarðarfelli. Ástþór Örn hafði víst lýst því við Gísla hvað
2. væri ömurlegt að búa ekki í einbýlishúsi og geta ekki átt hund...og hann skildi ekkert í því af hverju við værum ekki búin að kaupa hús
3. til að kippa þessu í liðinn fyrir hann!!!

1. Arnaldur Kári elskar að blása sápukúlur...en er þeim mun meiri klaufi elsku karlinn og er búinn að hella
2. miklu niður af sápukúluvatni þetta vorið og gráta einhver ósköp yfir hrakförum sínum.

1. Þá er oft gott að eiga stóran bróðir sem fer mjög svo sparlega með sínar sápukúlur og gefur
2. bróður sínum örlítinn sápudreytil!

1. Vorvindar glaðir...nei ó nei...1. maí varð alltaf vetrarlegra og vetrarlegra þeim mun nær sem við
2. nálguðumst höfuðborgina