Góðir dagar í Istanbul
Áttum skemmtilega daga í Istanbul, sem er óendanlega fjölbreytt og falleg borg. Mæli þó ekki með henni fyrir þá sem ekki þola að ganga upp og niður miklar brekkur eða eru bílhræddir!!
En það er endalaust margt að skoða og hægt að vera á röltinu allan dagnin að sjá eitthvað nýtt, nú eða bara sitjaá kaffihúsi og slappa af! Mæli eindregið með að fólk setji þessa borg á listann.
Við bjuggum á Armada hótelinu í Sultanahmet. Yndislegt hótel sem má mæla eindegið mæla með.
Á þakinu er veitingahús og líka borðaður morgunmatur þar og útsýnið var ótrúlegt
- Bláa moskan og Hagia Sofia
Ef horft var í aðra átt var svo hægt að horfa út á Marmarasundið og á morgnana mátti fylgjast með
höfrungum leika sér innan um óteljandi skipin
Ástþóri Erni þótti voðalega gaman að heilsa upp á skjaldbökurnar sem eiga heima í andyri hótelsins
Borðuðum eitt kvöldið á þakinu og nutum matar og útsýnis. Hér er ég með Marmarasundið í baksýn
Ástþór Örn fékk Hagia Sofia í bakgrunninn hjá sér
Og Sigurður Bláu moskuna
Bláa moskan og fallegi garðurinn sem liggur á milli hennar og Hagia Sofia
Í garði bláu moskunnar
Við Sigurður vorum þau einu í hópnum sem vorum klædd til að fara inn og skoða...Viktor og pabbi þáðu ekki pilsin sem karlmönnum
var boðin að láni yfir stuttbuxurnar!!
Viktor með Hagia Sofia í baksýn
Það er verið að gera við Hagia Sofia og þess vegna ekki alveg hægt að skoða allt en
þrátt fyrir það var stórkostleg upplifun að koma þarna. Upprunalega var þetta kirkja sem síðar
var breytt í mosku
Þarna er hún María með Jesúbarnið innan um arabísku súrurnar
Inngangurinn á stóra basarinn, en þar kenndi ýmissa grasa og gaman að rölta
Ástþór Örn fékk Fes og Sigurður arabíska lopahúfu!!
Göturnar í kringum basarinn eru margar ansi skrautlegar og gaman að ganga niðurá egypska basar
En þar er aðaláherslan lögð á krydd, te og þess háttar
Gegnt kryddbasarnum er Nýja moskan
Skór burstaðir í gríð og erg
Með Galatabrúna í baksýn og Galataturn
Útsýni af Galatabrúnni
Og komin upp að Galataturninum
Eyddum degi í Beyogluhverfinu. Þar er gaman að rölta og hægt að velja hvort maður vill þramma stóra og
mikla verslunargötu eða halda sig í litlum götum með kaffihúsum og notalegheitum
Ein af óskum Ástþórs Arnar í Istanbul var að komast í sporvagn og hér erum við mætt í einn slíkan!
Hélduð þið að ég væri að grínast með brekkurnar í Istanbul?!!? Ferð í Beyoglu er eins og að fara í góða fjallgöngu!
Og þess vegna oft ansi gott að setjast aðeins og hvíla sig
Ortaköymoskan sem stendur í Bosphorussundi
Og Bosphorusbrúin
Á torginu við Ortaköy moskuna hafði Ástþór Örn nóg að gera við að eltast við dúfurnar
Dúfurnar létu sér nú lynda dúfnaskelfinn Ástþór Örn en þegar þessi hvíti Síberíuhundur birtist hurfu þær allar upp í tré
Ástþór Örn hafði lítinn tíma í svona myndatökur enda nóg að gera í eltingaleik við dúfurnar
Settumst á notalegt og gott veitingahús við torgið
Ástþór Örn hafði nú lítinn tíma til að borða með okkur enda miklu skemmtilegra að hlaupa um eða spjalla við aðra krakka!
