Notalegur sunnudagur
Við Ástþór Örn tókum daginn snemma á sunnudeginum og drifum okkur í dýragarðinn...vorum fegin að hafa mætt snemma því þegar við fórum nokkrum klukkutímum seinna var mörghundruð metra röð að miðasölunni!
Það var skemmtilegt í dýragarðinum og margt að sjá. Myndavélin varð nú reyndar batteríslaus :o( Á eftir röltum við aðeins um Camden áður en við tókum lestina í átt heim þar sem við hlóðum batteríin okkar
og myndavélarinnar áður en við tókum smá sunnudagsgöngu!
Mættur í dýragarðinn
Skoðuðum sædýrasafnið og þar voru þessi fallegu kóralrif og skrautlegu fiskar
Ástþór Örn og fullt af Púmbum...villisvínum!
Ég var nú hálfkjökrandi þegar við heimsóttum górillurnar og
Ástþór Örn skildi ekkert í mér að finna einhverja samkennd með
górillufrú sem þvoði þvott í læk.
Ástþór Örn fór nokkrar salibunur hér og skemmti sér konunglega
Pelikanar og flamingófuglar
Slakað aðeins á með ís!
Ástþóri Erni fannst nú íslensku kindurnar fallegri en þær ensku
Þessir gíraffar voru jafn rólegir og yfirvegaðir og þeir sem við höfum rekist á í öðrum dýragörðum.
Og þessari mynd af ortunum náði ég rétt áður en vélin varð batteríslaus!
Eftir smá hvíld og batteríshleðslu drifum við okkur aftur út í góða veðrið
Fórum í Hyde Park
Ástþór Örn við Royal Albert Hall
Fylgdumst aðeins með þessum leika listir sínar á hjólabrettum
Ein klassísk Lundúnarmynd!