Kaupmannahöfn í september 2006
Í lok september skruppum við til Kaupmannahafnar. Við bjuggumst við haustveðri en fengum þess í stað yndislegan sumarauka. Ekki skýhnoðri á himni og hitinn í kringum tuttugu gráðurnar. Ástþór Örn var ansi spenntur að komast til Danmerkur og vildi helst komast beint í Tívolí þegar við komum út af Kastrup! Reyndar var hann svolítið ruglaður þegar hann lagðist í rúmið fyrsta kvöldið. Lá og slappaði af og sagði "mikið er gott að vera kominn til Tyrklands...nei ég meina Danmörk"!!!! Við höfðum því miður ekki tíma til að fara á okkar heimaslóðir norður af Kaupmannahöfn, en verðum bara að komast fljótt aftur. Tókum þó nokkuð af myndum, njótið vel.
Ástþóri Erni fannst ansi gaman að horfa út á flugbrautina þegar við biðum eftir að komast út í vél
Einbeittur að lita í flugvélinni.
Í götunni "okkar"
Frelsiskirkjan var rétt hjá okkur, gaman að rölta fram hjá henni oft á dag. Ástþór Örn var annars alveg
heillaður yfir því hvað er mikið af kirkjum í Kaupmannahöfn!
Bátarnir skoðaðir á leið í bæinn
Óperuhúsið séð af Amagerbrúnni
Holmens kirke og Nikolaj kirke
Röltum á föstudagsmorgun niður á Kongens nytorv.
Lífvarðaskiptin vöktu töluverða athygli!
Röltum um torgið og skoðuðum skemmtilega sýningu á dýraljósmyndum
Sest í Nýhöfn
Ástþór Örn fékk sér rauðsprettu upp á danskan máta
Ástþóri Erni fannst nú voða notalegt að láta keyra sig í kerrunni. Það var líka fínt að hann sæti þar í rólegheitum
þegar verið var í mannþvögu og ansi auðvelt að týnast!
Eftir hádegsmatinn í Nýhöfn röltum við Strikið, kíktum í nokkrar búðir. Eins og sést keypti Ástþór Örn sér
danska fánann.
Röltum um latínuhverfið og settumst niður á Grábræðratorgi
Ástþór Örn fékk sér þar ítalskan ís sem bragðaðist ansi vel!
Rölti svo aðeins um torgið með fánann!