|
| |
| |
|
 |
Írskur
setter.
Lýsing
Írskur Setter er glæsilegur í útliti. Hann er
úthaldsmikill, fullur af orku, mjög hraður og stingur
oft aðra hunda af á hlaupum. Írski Setter er mjög
ástúðlegur, dugmikill og sjálfstæður, hann er barngóður
hundur sem semur yfirleitt vel við aðra hunda sem eru á
heimilinu. Þægilegur heimilishundur sem er rólyndur
heima við en úthaldsmikill og hraður þegar út er komið.
Írskur Setter er stundum notaður sem veiðihundur, þar
sem hann bendir á bráðina, og hentar einnig ágætlega sem
sækir. En í dag er hann aðalega hafður sem félagi og/eða
sýningarhundur í dag, enda tilvalinn sem slíkur. Hann er
yfirleitt ekki heppilegur sem varðhundur.
Uppruni
Hann var eitt sinn þekktur undir nafninu ,,Modder Rhu"
eða rauði hundurinn. Írski Setter var einnig kallaður
,,Red Spaniel.” Til eru einnig önnur tegund af Írska
Setter, en nefnist hann Írskur Rauður og Hvítur Setter,
og eins og nafnið gefur til kynna er hann rauður og
hvítur að lit. Írski Setterinn er einnig þekktur undir
nafninu Rauður Setter. Fyrsta ræktunarmiðið fyrir Írska
Setter var gefið út árið 1885. Einn aðal forfaðir Írska
Setters er sá rauði og hvíti sem nefndur er hér fyrir
ofan. Einnig er talið að Enski Setter og Gordon Setter
hafi verið notaðir til þess að skapa tegundina.
Umhirða
Írskur Setter hefur fallegan meðalsíðan feld sem þarf að
bursta daglega. Fylgjast þarf með eyrum.
Hreyfing
Írskur Setter er orkumikill hundur, hann þarf nóg pláss
og mikla hreyfingu, en getur þó aðlagað sig að
borgarlífi.
Leyfilegir litir
Djúpmahónírauður. Hvítur litur er leyfilegur á bringu,
höku, tám og örmjó blesa á miðju höfði fram á trýni.
Staðreyndir
Upprunaland: Írland
Upprunatími: 1700
Fyrstu not: Veiðihundur
Í dag: Félagi, sýningarhundur, Veiðihundur
Lífsskeið: 12 - 13 ár.
Önnur nöfn: Irish Red Setter
Hæð á herðakamb
Rakkar 57 - 70 sm. Tíkur 54 - 67 sm.
Þyngd
20 - 25 kg.
Heimild: www.hvuttar.net
|
|
|
|
|
|
| |
|
|
Copyright © 2003-2007 Company name.com. All rights reserved