Fyrsta sjónvarpsútsending á Íslandi fór fram þann 30. september 1966. Á eftir ávarpi útvarpsstjóra var blaðamannafundi sjónvarpað, þar sem fyrir svörum sat Dr. Bjarni Benediktsson forsætisráðherra. Spyrlar voru ritstjórar blaða stjórnarandstöðunnar, þeir Andrés Kristjánsson og Ólafur Hannibalsson. Hér er því stutt myndbrot þar sem Andrés spilar veigamikið hlutverk.
	Talmálið er mjög formlegt og notast er við þérun, sem varla fyrirfinnst í dag. Allir voru þeir óvanir myndavélum, enda blaðamenn og sjónvarp enn alveg óþekktur miðill. Gaman er að bera þetta saman við sjónvarp í dag því munurinn er mikill.