Untitled Document

Andrés Kristjánsson fæddist að Syðri-Tungu á Tjörnesi þann 10. september árið 1915. Hann ólst upp í Þingeyjasýslunni og eyddi þar bernskuárunum.

Foreldrar hans voru Kristján J. Jóhannesson f. 1883 og Friðfinna Sörensdóttir f. 1892.
Alsystkini Andrésar voru Sören f. 1917 og Sveinbjörg f. 1919.
Börn Kristjáns og annarrar konu hans, Önnu Sigríðar Einarsdóttur, voru Snæbjörn f. 1924 og Sigríður Friðfinna f. 1925.
Barn Kristjáns og þriðju eiginkonunnar, Kristjönu Sigvaldadóttur var Karl f. 1937.

Andrés missti móður sína fimm ára gamall. Þá brá faðir hans búi og gerðist farkennari. Andrés ólst talsvert upp hjá föðursystkinum sínum og ömmu t.d. hjá Karli Kristjánssyni alþingismanni, en kona hans, Pálína Jóhannesdóttir var föðursystir Andrésar.

Eftir að faðir Andrésar kvæntist að nýju, flutti hann ásamt föður sínum og stjúpu að Hriflu í Ljósavatnshreppi. Þá var hann 16 ára gamall og bjó hann þar til tvítugs. Þar kynntist Andrés Jónasi Jónssyni, en þeir voru skyldir. Kristján starfaði þar sem bústjóri á tilrauna og kennslubúinu í Hriflu, sem stofnað var fyrir tilstuðlan Jónasar Jónssonar.

Árið 1935 lá leið Andrésar suður er hann hóf nám við Kennaraskólann.
Þar var hann einnig heimagangur hjá Jónasi frá Hriflu.

Andrés kvæntist fyrri eiginkonu sinni, Helgu Kristjánsdóttur 30. ágúst 1941 en þau skildu. Andrés kvæntist seinni konu sinni, Þorgerði Kolbeinsdóttur 12. júlí 1953. Þorgerður fæddist 8. mars 1924 á Þorvaldsstöðum í Hvítársíðu, en hún er uppalin á Stóra-Ási í Borgarfjarðarsveit. Saman eignuðust þau fimm börn, Guðrúnu Helgu f. 1953, Heiðveigu f. 1955, Kristján f. 1957, Kolbein f. 1961 og Hallveigu f. 1966.

Andrés var einn af frumbyggjum Kópavogs en hann byggði hús á Digranesveginum árið 1953. Hann hefur átt nokkurn þátt í þróun félagsmála í Kópavogi. Hann var m.a. í fræðsluráði Kópavogs 1958-1973 og var lengi formaður þess.

Hans helsta áhugamál var bókalestur en hann dundaði sér einnig við bókband og skógrækt í landi konu sinnar í Stóra-Ási þar sem þau áttu sumarbústað.

Æviágrip
Andrés Kristjánsson fæddist að Syðri-Tungu á Tjörnesi þann 10. september árið 1915. Hann ólst upp í Þingeyjasýslunni og eyddi þar bernskuárunum. Foreldrar hans voru Kristján J. Jóhannesson f. 1883 og Friðfinna Sörensdóttir f. 1892. Alsystkini Andrésar voru Sören f. 1917 og Sveinbjörg f. 1919. Börn Kristjáns og annarrar konu hans, Önnu Sigríðar Einarsdóttur, voru Snæbjörn f. 1924 og Sigríður Friðfinna f. 1925. Barn Kristjáns og þriðju eiginkonunnar, Kristjönu Sigvaldadóttur var Karl f. 1937. Andrés missti móður sína fimm ára gamall. Þá brá faðir hans búi og gerðist farkennari. Andrés ólst talsvert upp hjá föðursystkinum sínum og ömmu t.d. hjá Karli Kristjánssyni alþingismanni, en kona hans, Pálína Jóhannesdóttir var föðursystir Andrésar. Eftir að faðir Andrésar kvæntist að nýju, flutti hann ásamt föður sínum og stjúpu að Hriflu í Ljósavatnshreppi. Þá var hann 16 ára gamall og bjó hann þar til tvítugs. Þar kynntist Andrés Jónasi Jónssyni, en þeir voru skyldir. Kristján starfaði þar sem bústjóri á tilrauna og kennslubúinu í Hriflu, sem stofnað var fyrir tilstuðlan Jónasar Jónssonar. Árið 1935 lá leið Andrésar suður er hann hóf nám við Kennaraskólann. Þar var hann einnig heimagangur hjá Jónasi frá Hriflu. Andrés kvæntist fyrri eiginkonu sinni, Helgu Kristjánsdóttur 30. ágúst 1941 en þau skildu. Andrés kvæntist seinni konu sinni, Þorgerði Kolbeinsdóttur 12. júlí 1953. Þorgerður fæddist 8. mars 1924 á Þorvaldsstöðum í Hvítársíðu, en hún er uppalin á Stóra-Ási í Borgarfjarðarsveit. Saman eignuðust þau fimm börn, Guðrúnu Helgu f. 1953, Heiðveigu f. 1955, Kristján f. 1957, Kolbein f. 1961 og Hallveigu f. 1966. Andrés var einn af frumbyggjum Kópavogs en hann byggði hús á Digranesveginum árið 1953. Hann hefur átt nokkurn þátt í þróun félagsmála í Kópavogi. Hann var m.a. í fræðsluráði Kópavogs 1958-1973 og var lengi formaður þess. Hans helsta áhugamál var bókalestur en hann dundaði sér einnig við bókband og skógrækt í landi konu sinnar í Stóra-Ási þar sem þau áttu sumarbústað.