Samvinnufélagið

Samvinna í Stúdentaráði ?

Einhver spenna virðist vera að láta á sér kræla í Stúdentaráði Háskóla Íslands, en þar sitja Röskva og Vaka með fulltrúa sína. Samvinnufélagið telur það mikilvægt að stúdentar allir vinni saman að markmiðum sínum til að ná árangri og rödd stúdenta sé sem sterkust. Röskva fékk 50,1% en Vaka 49,9% atkvæða. Nú hafa Vökuliðar kvartað opinberlega yfir því og skrifað í Morgunblaðið þann 30. mars sl. þar sem þeir segja að það sé algerlega gengið fram hjá þeim í málefnum Stúdentaráðs og við val á fólki til ábyrgðarstarfa fyrir ráðið. Samvinnufélagið hvetur fylkingarnar til að starfa saman að hagsmunum stúdenta því það er gamall sannleikur og nýr að sameinuð stöndum vér. Það er von félagsins að Stúdentaráð sé og verði samnefnari stúdenta við Háskóla Íslands og starfi á vönduðum og lýðræðislegum grundvelli. Greinina má annars finna hér.

18. mars 2008

Frábærar viðtökur !

Fyrsti opinberi viðburður Samvinnufélagsins var haldinn í gær og voru viðtökurnar hreint út sagt frábærar. Stjórn félagsins vill þakka þeim fjölmörgu sem lögðu leið sína í aðalbyggingu Háskólans og tóku þátt í fundinum okkar þar sem Helga Sigrún Harðardóttir flutti áhugaverðan pistil um miðjustefnu í íslenskum stjórnmálum og gildi og útbreiðslu samvinnufélaga í Evrópu og Bandaríkjunum. Skemmtilegar umræður fylgdu í kjölfarið.

Samvinnufélagið óskar öllum nemendum Háskólans góðs gengis í vorprófunum. Ljóst er að Samvinnufélagið hefur fengið mjög góðar viðtökur hjá nemendum Háskólans og er nú hafin vinna að dagskrá og hugmyndum næstu annar.

12. mars 2008

Fyrsti hádegisfundur Samvinnufélagsins verður haldinn Mánudaginn 17. mars kl. 12:15-13:00 í stofu 207 í Aðalbyggingu Háskóla Íslands.

„Hvernig birtist miðjustefna í íslenskri pólitík“

Helga Sigrún Harðardóttir, framkvæmdastjóri þingflokks Framsóknarflokksins heldur erindi um miðjustefnu og hvernig hún birtist í íslenskum stjórmálum nú um stundir. Helga Sigrún mun halda erindi sitt og síðan verður opnað fyrir spurningar og umræðu.

Allir velkomnir.

"Miðjustefna er ekki stefna þeirra sem vilja einfaldlega hittast fyrir á hinni breiðu miðju stjórnmálanna á hverjum stað og tíma, heldur er miðjustefna ákveðin pólitísk hugmyndafræði og aðferðafræði sem byggir á skynsemi og samvinnu"