Á fundi mánudaginn 6. október sl. var á þjálfunardagskrá
fræðsla/vinnustofa um hæfnismat

18. október 2008 var Jóra gestgjafadeild á ráðsfundi sem haldinn verður í Þrastalundi við Sogið, frá kl.11:00-18:00 sjá dagskrárdrög hér.


RæðukeppninælaHinn árlegi ræðukeppnifundur Jóru var mánudaginn 7. apríl 2008

Keppendur voru 7 og komu dómarar frá ITC Hörpu, Reykjavík og frá Stjörnu, Rangárþingi
Allir keppendur fengu rós og viðurkenningarskjal og vinningshafinn, Sigríður Pálsdóttir
fékk að auki nýju POWERtalk ræðukeppninæluna.

* * * * * * * * * * * * * * * * * * * * * * * * *
Aukafundur:
Mælsku- og rökræðukeppni var haldinn í Selinu, þriðjudaginn 26. febrúar þegar ITC Fífa, Kópavogi sótti Jóru heim. í örstuttu máli sigraði Jóra keppnina þar sem samþykkt var tillaga Jóru um að í grunnskólum landsins verði kennd pólska í stað dönsku, og mun mæta Melkorku í úrslitum á ráðsfundi 8. mars.

 *************************

Ertu með sviðsskrekk?

              Við getum hjálpað…

Fræðslu- og kynningarfundur var haldinn mánudaginn 21. janúar 2008  kl. 20:00 í Selinu Engjavegi 44, Selfossi.  Þar var ítarleg kynning á fyrsta hluta nýs námskeiðs um ræðumennsku.


 Nánari upplýsingar um námskeiðið  hér

Afmælisfundur var 19. nóvember 2007 í safnaðarheimili  Selfosskirkju. Það var opið hús og heiðursgestur var Margrét Katrín Erlingsdóttir, bæjarfulltrúi í Árborg og fyrsti forseti Jóru. Meðal annarra gesta var bæjarstjóri Árborgar, Ragnheiður Hergeirsdóttir, landsforseti ITC, Ásthildur Sigurðardóttir og fjöldi annarra gesta bæði frá öðrum ITC deildum og fyrrverandi félagar. Kaffiveitingar eins og Jórum  einum er lagið - hlaðborð sem svignaði undan kræsingum.

Mánudaginn 2. apríl - kosning stjórnar fyrir næsta starfsár. Á þjálfunardagskrá voru fluttir tveir ísbrjótar.

Mánudaginn 16. apríl -  venjulegur fundur
Mánudaginn 19. mars - einsktaklings-ræðukeppni í deild vinningshafinn keppir á Landsþingi ITC 4. maí nk.
Mánudaginn 5. mars - ritkeppni Freyjunnar - 200 orða smásögur
Mánudaginn 19. febrúar - fræðsla um ræðumennsku
5. febrúar var á þjálfunardagskrá borðtjáning og hæfnismat.
Bókakynning var á fyrsta fundi nýja ársins, mánudaginn 8. janúar 2007. Var það súpufundur haldinn í Kaffi krús, Selfossi.
Jólafundur var  haldinn í Þrastalundi mánudaginn 11. desember 2006 og var mest grín og glens á dagskrá.
Mánudaginn 20. nóvember og var þemafundur. Þema fundarins var karlmenn.
6. nóvember sl. var bíófundur, sem þýðir að Jórur voru búnar að fara í bíó og á þjálfunardagskrá fundarins var krufin bíómyndin "Mýrin"
Kynningarfundur var  haldinn 2. október sl.
18. september var á dagskrá fræðsla um raddbeitingu. Teknir voru inn 2 nýir félagar, sem er alltaf ánægjuleg uppákoma.
Fyrsti fundur haustsins var haldinn 4. september sl. á dagskrá voru hringborðsumræður um vetrarstarfið framundan.

Jóra var gestgjafadeild á landsþingi sem var haldið að Hótel Örk, Hveragerði 5.-6. maí 2006  myndir
Við héldum fund með ITC Stjörnu miðvikudaginn 26. apríl s.l. að Hvoli, Hvolsvelli. Fundurinn var hattafundur,  þar sem mælst var til að allir fundargestir bæru einhvers konar höfuðföt. (myndir)Var þetta skemmtilegur fundur og var ákveðið að taka áskorun ITC Írisar að halda sameiginlegan vorfund.
<>Á ráðsfundi I. ráðs sem var 18. mars í Kríunesi við Elliðavatn kepptum við Jórur í úrslitum hinnar árlegu M&R keppni milli deilda við ITC Hörpu, Reykjavík. Ræðuefnið var: ITC Harpa leggur til að fjölkvæni og fjölveri verði leyft á Íslandi. ITC Jóra mælti gegn tillögunni. Þetta var spennandi keppni en Harpan var hlutskarpari og átti einnig ræðumann dagsins Ingibjörgu Vigfúsdóttur.
-----------------------------------
Við Jórur fórum í bíó þann 1. mars s.l. og sáum: Brokeback Mountain, sem er virkilega góð mynd og líklega það óvenjuleg amerísk bíómynd að Ameríkanarnir gátu ekki veitt henni Oscar þó hún ætti það fyllilega skilið. Á næsta reglulega fundi á eftir, eða 6. mars voru umræður og dómar um myndina. Stef fundarins var: Engin verður skækja af eins manns völdum.
---------------------------------
Ræðukeppnisfundur var 20. febrúar 2006 - hin árlega ræðukeppni haldin í deild. Eftir spennandi ræðukeppni fjögurra ræðusnillinga varð sigurvegari Guðlaug Jóna Hilmarsdóttir. Við óskum henni til hamingju með árangurinn! Hún keppti við sigurvegara úr öllum deildum í ræðukeppni á Landsþingi ITC sem verður haldið á Hótel Örk í Hveragerði 5. - 6. maí 2006.
------------------------------------------
Kynningarfundur var haldinn mánudaginn 6. febrúar 2006. Á dagskrá var fræðsla um ræðumennsku og framkomu í ræðustól, kaffiveitingar voru í fundahléi. 

Fundur var hjá ITC Jóru mánudaginn 16. janúar. Á dagskrá voru pallborðsumræður um efri árin. Voru skemmtilegar umræður, þar sem  fram komu ýmsir vinklar á efninu.

Fyrsti fundur á nýja árinu var laugardaginn 7. janúar 2006. og var dagskrá fundarins á svipuðum nótum og undanfarin ár; léttur hádegisverður með bókakynningu. 

Jólafundurinn var hefðbundinn matarfundur og var haldinn 15. des. 2005.

Svokölluð UGLUKEPPNI var á fundi hjá ITC Jóru þann 5. des. 2005. En þá taka allir þátt í óundirbúnum ræðum um útdregið efni í 1-2 mínútur og kosið um besta ræðumanninn sem hlýtur faranduglu að launum til varðveislu í 1 ár. Ugluna að þessu sinni hlaut Helena Þráinsdóttir.

Á fundi hjá ITC Jóru þann 21. nóvember 2005. var mælsku- og rökræðukeppni þar sem keppnislið Jóru keppti við lið ITC Korpu, Mosfellsbæ á venjulegum fundastað í Selinu, Engjavegi 44, Selfossi. Keppnin fór þannig að Jóra fór með sigur af hólmi.
Í sömu vikunni kepptu ITC deildin Melkorka Rvk. og ITC Fífa  Kóp. sín á milli í þeirri keppni fór ITC Fífa með sigur. Næstu keppnir í M&R verða eftir áramót.

Kynningarfundur ITC deildarinnar Jóru var mánudaginn 17. október 2005, en fundir hjá ITC Jóru eru allir opnir og gestir ávallt velkomnir.