Hér eru nokkrar sveitamyndir til viðbótar. Höfum ýmislegt "dandúsað" eins og Arnaldur Kári myndi segja! Farið að veiða, gróðursett og alls konar. Nú fer sveitalífinu að ljúka í bili, sumarið alveg rokið áfram. Búið að vera ansi fínt veður, sól og hlýtt, utan nokkra "haustdaga" um daginn þegar við fengum heldur mikinn blástur. En það er ótrúlegt hvað tíminn hefur liðið, fer að koma tími á berjamó og ekkert svo langt í að kindurnar verði sóttar á fjall ef út í það er farið.
Við fengum fréttir af heimalningnum okkar henni Fjöður sem var hér fram á sumar en fór þá í vist með öðrum heimalningum á nágrannabæ. Hún hefur víst braggast ansi vel og erum við farin að hlakka til að sjá hana. Hún var nú held ég líka orðin pattaralegri í byrjun júní en mörg þeirra lamba sem maður sér hér með mæðrum sínum á ferðinni...enda var farið að kalla hana lakkrísrúllu!!! Helstu dýrafréttir eru svo þær að hún Píla okkar kvaddi okkur, varð hvíldinni örugglega fegin enda verið mikið lasin frá því í sumarbyrjun. Hún var rétt tæplega tólf og hálfs árs sem er nú nokkuð hár aldur hjá labradortík. Við Trýna verðum því að halda uppi merkjum í dömugöngutúrunum sem hafa verið farnir ansi margir fram að þessu!

 

Hafið það öll sem best, takk fyrir kveðjurnar - okkur finnst voða gaman að lesa þær!

 

 

  1. Hér rigndi svolítið um daginn hjá okkur...sem betur fer verð ég nú að segja þar sem allt var orðið ansi þurrt.
  2. Sigurður kepptist við að slá hér heima við og Arnaldur Kári lék sér úti alsæll. Þennan flotta bláa bíl fékk hann frá afa Erni og ömmu Hillu og hefur bíllinn
  3. fengið að keyra þó nokkra metrana ef ekki kílómetra hér í sumar!

 

  1. Hér hafa heilmargir plöntubakkar tæmst og telst mér til að það hafi farið niður tæplega
  2. fimmhundruð bakkaplöntur; greni, fura, selja og nokkrar tegundir af reyni.

 

  1. Og haldiði ekki að berin séu að verða tilbúin. Þeir bræður
  2. tíndu fullan dall af bláberjum fyrir ömmu Kötu um daginn

 

Aðalbláberin sums staðar alveg tilbúin

 

Og ég hef tínt svolítið af jurtum í te og þurrkað

 

Til að mynda er ég búin að tína svolítið af maríustakk

 

  1. Og vallhumli sem bragðast bara eins og hunang í teið! Enn einnig öðrum jurtum sem eru
  2. nauðsynlegar í teblöndu vetrarins.

 

 

Skruppum að veiða um daginn. Afi hér búinn að setja í lax sem tók flugu sem heitir Blue Rat

 

Náðist á land og Arnaldur Kári alsæll yfir þessu

 

Sjálf setti ég svo í þennan lax á fluguna Munro Killer

 

Ástþór Örn náði þessari mynd af mér í all svakalegum Wathne-systrastíl!!!!!

 

  1. Ástþór Örn og afi ætluðu að landa einum í sameiningu sem afi setti í en ekki fór betur en svo að
  2. laxinn sleit línuna og hirti fínu Blue Rat fluguna sem afi hafði hnýtt fyrir tuttugu árum en allt of sjaldan notað!

 

Allir kátir eftir frábæra stund við ána

 

 

Við skruppum í "piknik" á svo fallegan stað hér stutt frá okkur

 

Verið að setja frá einhverju mjög fyndnu og stórmerkilegu sýnist mér!!

 

Vorum með gott nesti og höfðum það notalegt í laut og hlustuðum á fossaniðinn

 

 

Stuðið að byrja hjá þeim bræðrum!

 

Elliðatindarnir og sumarhiminninn

 

Svo fengu nú stígvélin og sokkarnir fljótlega að fjúka

 

...og buxurnar hans Ástþórs Arnar

 

 

  1. Arnaldur Kári skemmti sér alveg konunglega enda var þetta alveg
  2. svakalegt ævintýri fyrir þennan annars fremur jarðbundna herra!!

 

Tábergið og tærnar hans Ástþórs Arnar!

 

Litli ljúflingur!

 

Og sá stóri!

 

Sigurður lét sér nægja að fara úr skónum og sokkunum!

 

Ég sá um að taka myndir...í skóm og sokkabuxum!

 

  1. Við höfum oft farið fram hjá þessum stað á hestbaki og alltaf talað um að
  2. við yrðum að koma með nesti og stoppa svolítið og njóta hans, sem við drifum loksins í!

 

 

Þúfutittlingur leikur listir sínar fyrir mig

 

 

 

Við Arnaldur Kári skruppum í smá göngutúr í dag og þá náði ég þessari fínu mynd

 

  1. Þessi dreymni lubbi dreif sig aftur á móti á hestbak til að hjálpa til við að reka svolítið af kindum á fjall
  2. sem hafa verið að gera okkur lífið leitt undan farið og hangið hér í kring og laumast til að éta tré og vera með leiðindi

 

 

 

Mér finnst þessi syrpa af býflugunni á leið úr blómi í blóm skemmtileg

 

Merkur og Arnaldur Kári

 

 

 

 

  2. Ekki má svo gleyma trjámyndunum í ár. Ég hef haft þann siðinn að taka myndir af þeim bræðrum
  3. við ákveðin birkitré einu sinni á ári. Það er gaman að skrásetja hvað trén vaxa en ekki síður hvað afleggjararnir tveir stækka hratt!
  4. Hér má sjá syrpurnar þeirra bræðra!

 

  1. Arnaldur Kári við birkitréð sitt í ár. Tréð hans hafði nú orðið fyrir smá áfalli í öllum snjónum í vetur
  2. en okkur sýnist það alveg ætla að spjara sig. Aftur á móti þarf ég kannski að breyta aðeins sjónarhorninu svo
  3. að trð falli ekki svona inn í skjólbeltin á bak við

 

Arnaldur Kári 2011

 

2010

 

og sú fyrsta sem var tekin árið 2009

 

Ástþór Örn við birkitréð sitt nú í sumar

 

xxx

2011 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx 2010

 

xxx

2009 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx2008

 

xxx

2007xxxxxxxxxxxxxxxxxxxxxxxxxxxxxxxxxxxxxxxxxxxxxxxxx2006

 

  1. Ég hef hvergi fundið myndina frá 2005 en hér er sú fyrsta sem var tekin við tréð árið 2004...
  2. ég á hálf bágt með að trúa því að þessi sé sá sami og í smekkbuxunum svolítið ofar!!!

 

Og hér tvær í lokin úr sumarblíðu að kvöldlagi í sveitinni