1. Páskafríið leið ljúflega áfram (allt of hratt þó) í sveitinni. Farið í fjárhúsin, út að labba og svo náttúrlega leitað að páskaeggjum og þau borðuð upp til agna!

1. Við vorum mjög heppin með veður í sveitinni mestan hluta páskafrísins...svona þar til fór að blása
2. all hressilega á páskadagaskvöld! Við vorum því dugleg að fara út í gönguferðir. Röltum okkur stundum
3. niður að á. Í einni slíkri gönguferð fékk ég fyrstu alvöru vorfiðrildin í magann þegar ég sá að fyrsta tjaldaparið
4. var mætt.

Píla og Trýna voru að sjálfsögðu drifnar með í þennan göngutúr líka

Ef það væri nú alltaf svona gott vatn!

xx

1. Röltum líka um skjólbeltin sem sum hafa aðeins látið á sjá eftir ágengan vetur - en nú fer loksins að vora og víðirinn farinn
2. að undirbúa sig!

1. Í sandkassanum var opið þetta fína kaffihús þar sem boðið var upp á dýrindiskökur,
2. kaffi og kakó!!

1. Á páskadagsmorgun var svo loksins komið að því að leita að páskaeggjunum!
2. Ástþór Örn hefði örugglega viljað hefja leikinn við sólarupprás en lét sig hafa það að bíða
3. alveg til korter yfir níu!!!

1. Eftir að hafa farið um allt hús og leist þrautir og gátur (Ástþór Örn hafði svona temmilega
2. mikinn húmor fyrir því þegar þeir áttu að ryksuga yfir eldhúsið til að fá næstu vísbendingu!!)
3. fundust eggin inni í fataskáp.

Súkkulaðisælir bræður á páskadagsmorgni

Arnaldur Kári hafði aldrei séð jafn sætan unga!

1. Afi og amma í Dal færa þeim bræðrum súkkulaðiegg og þar sem ekki er nú á
2. súkkulaðið bætandi fá þeir bræður svona fín pappaegg frá okkur foreldrunum sem
3. í er jú smá góðgæti en svo eitthvað smá dót að leika við. Ansi fín venja þó ég segi sjálf frá!!
4. Arnaldur Kári átti ekki orð þegar annar ungi birtist í pappaegginu.

1. Okkur fannst þessi málsháttur úr súkkulaðiegginu hans Arnaldar Kára eiga einstaklega vel við í sveitinni
2. þar sem við reynum að halda kindunum frá trjánum...varð hugsað til afa Ástþórs!

1. Ég var eiginlega spenntust fyrir fína gríska páskabrauðinu sem ég er vön að baka og varð
2. engin breyting þar á núna!

1. Eftir hádegi á páskadag var ágætt að hvíla sig aðeins á súkkulaðinu og skreppa út.
2. Við drifum því í að grisja aðeins skjólbeltin í Dal.

1. Ástþór Örn sér fram á að það verði nóg að gera í sumar í að höggva
2. niður við í arininn hjá ömmu í veiðihúsinu!

Svei mér þá ef vorið var ekki komið...

1. ...eða kannski ekki alveg! Svona var umhorfs að morgni annars dags páska og þá var nú notalegt
2. að geta verið inni í rólegheitum, spilað, lesið og alls konar.