Febrúarfjör!

 

  1. Febrúar hefur flogið áfram og ótrúlegt að mars sé á næsta leyti! Við höfum nú verið löt að taka myndir það sem af er febrúarmánuði en hér hefur verið heilmikið að gera hjá öllum þó að hæst beri nú afmæli Ástþórs Arnar sem varð níu ára 19. febrúar. Við skiljum ekkert í því hvað þessi strákur er orðinn stór :o) Þökkum kveðjurnar sem þið senduð þessum flotta strák á afmælisdaginn 19. febrúar. En hér eru nokkrar myndir!

 

Ástþór Örn í boðskortagerð! Hann bauð bekkjarbræðrum í afmælisveislu föstudaginn 17. febrúar

 

Á meðan teiknaði þessi snáði...lífið í sjónum er yfirleitt aðalmyndefni hjá honum!

 

  1. Arnaldur Kári dreif sig í heimsókn til ömmu og afa á meðan Ástþór Örn hélt veisluna. Hér eru gestirnir sestir til borðs og
  2. bíða eftir pitsunum! Fóru í "hver er ég"-leik og skemmtu sér konunglega.
  3. Hér voru meðal annarra mættir, Tinni, Emil í Kattholti, Andrés Önd, Skúli skelfir, Harry Potter...

 

...já og Svampur Sveinsson, Kermit froskur og Mr. Bean!

 

  1. Afmælisbarnið...nei ég meina Andrés önd að gefa einhverjum
  2. vísbendingar eða að reyna að botna í eigin persónu!

 

  1. Eftir pítsur og leik var komið að kökunum. Í ár var afmæliskakan andlit einnar hetju
  2. úr Ninjago-LEGO sem hefur alveg slegið í gegn hjá Ástþóri Erni og vinum hans.

 

  1. Kakan var hefðbundin súkkulaðikaka með svona ægilega lituðu og fínu kremi
  2. en skreytt með mjög dökku súkkulaði sem ég hafði dundað mér við að búa til kvöldið áður!
  3. Ég tók ekki sénsinn á því að dökkt krem rynni ekki til og smitaðist yfir í gula kremið...og ég fá taugaáfall í kjölfarið
  4. þannig að ég fór þessa leið sem heppnaðist bara nokkuð vel þó ég segi sjálf frá!!

 

 

.....

  1. Svo var sungið, blásið á kertin og óskað sér! Ég margtaldi kertin sem ég setti á kökuna því mér þóttu
  2. þau grunsamlega mörg!!

 

....

  1. Mér finnst að það ætti að vera réttur allra að fá að eiga afmæli um helgi, það er svo miklu notalegra!
  2. Á sunnudagsmorguninn vaknaði afmælisbarnið eld-, eldsnemma og náði svo restinni af fjölskyldunni á
  3. lappir stuttu seinna. Afmælismorgunkaffi og pakkar of spennandi til að eitthvað væri hægt að sofa út!!!!
  4. Níu ára gormurinn varð himinsæll þegar hann opnaði pakkana frá okkur og ömmu og afa á Akureyri því þar leyndist bara nánast
  5. allt sem hafði verið á óskalistanum og það sem ekki birtist þá kom úr pakka síðar um daginn þegar afi og amma í Langa komu í smá kaffi.

 

Arnaldur Kári sló í gegn með því að færa bróður sínum bók, stækkunargler og Svarthöfðanærföt!

 

xxxx

  1. Það er þetta með að mynda börn og dýr...þau hafa svona aðeins arðar hugmyndir um útkomuna en maður sjálfur!! En þá verða kannski myndirnar bara
  2. enn skemmtilegri, má vera!

 

 

xx

Annar í afmæli er nú ekki síðri en afmælisdagurinn sjálfur...ekki er verra ef hann hittir á sjálfan bolludaginn!

 

  1. Hér hefur mikið "rannsóknaræði" runnið á þá bræður og fékk Arnaldur Kári
  2. sams konar stækkunargler og hafði verið á óskalista stóra bróður. Þeir bræður sjá því
  3. margt með þessum stóru augum þessa dagana!