Göngutúr, jóga, snjórinn og sitt hvað fleira!

 

Hér er allt farið að ganga sinn vana gang eftir jólafrí og maður að átta sig á því að janúar sé langt kominn og Þorri genginn í garð! Vonum að þið hafið það öll sem best líka og þökkum kveðjurnar í Gestabókina, alltaf gaman að lesa þær. En hér koma nokkrar myndir.

xxxx

Hér er veturinn enn við völd...enda bara janúar!

Hér hefur vart sést út um gluggana undan farna daga

 

  1. Og verið notalegt að leika inni eftir leikskóla! Playmo er í miklu
  2. uppáhaldi hjá þessum herramanni...og sjálfri finnst mér playmo miklu skemmtilegra
  3. en LEGO þannig að oft má vart á milli sjá hvort lifir sig meira inn í þetta ég eða hann!!

 

En svo er líka gaman úti í snjónum

 

  1. Ástþór Örn á leið í skólann á fyrsta degi Þorra sjálfum bóndadegi.
  2. Ástþór Örn var reyndar ægilega fúll að fátt minnti á Þorrann í skólanum og
  3. ég fékk símtal frá honum þegar hann var kominn heim (ég rétt ókomin heim) þar sem
  4. hann kvartaði sáran undan Þorramtsleysi í skólanum og lítilli Þorrastemningu almennt!
  5. Ég vissi ekki alveg hvort ég var að tala við átta ára son minn eða níræðan langafa þegar hann með
  6. grátstafina í kverkunum spurði mig hvort ég gæti ekki alla vega "kippt einu hákarlsboxi fyrir hann...hann elskaði nefnilega
  7. alveg hákarl". Ég varð nú ekki við ósk hans en amma Kata ætlar að bjóða þessum "hefðbundna" unga manni upp á
  8. eitthvað sem minnir á Þorra í kvöld skilst mér!! Það bjargaði reyndar deginum hans í gær að eftir skóla var hann á
  9. tækni-LEGO námskeiði sem hann er alsæll með. Hann hefur verið að taka þar nokkrar myndir og aldrei að vita nema að hann
  10. skelli sér í gestapenna-hlutverkið og setji hér inn myndir af því bráðlega.

  1. Á leikskólanum var aftur á móti blótaður Þorri og pöbbum boðið í morgunkaffi
  2. í tilefni bóndadags. Ástþór Örn er held ég að undirbúa umsókn um að fá að mæta á leikskólann
  3. og taka þátt í ýmsum viðburðum yfir veturinn!

 

xx

Arnaldur Kári stóð fyrir smá jógakennslu í gær, má til með að sýna ykkur! Hér að ofan má sjá fiðrildið og svaninn

  1. Og hér er skelin. Á leikskólanum er reglulega farið í jógatíma og fannst
  2. Arnaldi Kára það ekkert voðalega skemmtilegt fyrst en elskar þetta orðið og
  3. reynir oft að fá okkur hér heima með honum í nokkrar æfingar!

 

Og hér er það tréð

 

Í dag drifum við okkur út í göngutúr...sumir tóku reyndar smá spretti inn á milli!

 

 

 

Hittum þessa hrafna sem áttu mikið spjall

 

 

Svo notalegt að setjast, fá sér kakó og hvíla sig aðeins

 

  1. Þið eruð kannski farin að halda að ég sé farin að nota göngutúra sem ástæðu til að baka smákökur!!!! Nei það er kannski ekki alveg rétt samt.
  2. Nú var boðið upp á heimabakað grahamskex (saga mín af leitinni af grahamsmjöli er nú kapituli út af fyrir sig
  3. en ég hlýfi ykkur við henni núna í það minnsta!!) sem var í boði í þessum göngutúr, prófaði að baka "hreint", með kókos
  4. og svo með sesamfræjum. Ótrúlega góð :)

 

Ég var víst líka með í göngutúrnum!

 

Hvað er eiginlega hægt að vera sætur!?!

 

Ástþór Örn er þessa dagana að prófa hina ýmsu svipi þegar teknar eru myndir...mér til mikillar gleði eða þannig!!!!!

 

Ástþór Örn er ekkert að gefa sér of mikinn tíma í kakóspjall og kominn í einhver sérverkefni áður en vitað er af!

 

 

Á leiðinni heim var aðeins stoppað, klifrað og leikið

 

Ég var þó aðallega að fylgjast með fuglalífinu, hér er auðnutittlingur í felum!

 

Og einhvern tímann...já þá kemur vorið! Þessir túlipanar minna mig á það þegar ég dáist að þeim.