cc x Bræður í desember ccc

 

Loksins nokkrar myndir og fréttir. Hér hefur desember liðið hratt og margt að gerast þó að við höfum líka gefið okkur góðan tíma í að hafa það notalegt yfir kertaljósi, borðað smákökur og spilað. Ástþór Örn spilaði á píanótónleikum í síðustu viku og tókst það vel hjá honum sem og öllum hinum krökkunum sem spiluðu. Þar spiliðu nemendur kennarans hans Ástþórs Arnar, hennar Ágústu. Krakkar á öllum aldri og stigum í náminu. Mjög skemmtilegt! Nú svo er búið að fara á leikskólajólaball, leika úti í snjónum og svo var fjögurra ára afmæli Arnaldar Kára 19. desember. Hann tilkynnti mér hér fyrr í vikunni að nú ætti ég "bara" tvo stóra stráka en engan lítinn lengur...held að það sé rétt hjá honum svei mér þá! Takk fyrir afmæliskveðjurnar, þær voru lesnar fyrir herramanninn!

En hér koma nokkrar myndir, njótið vel og hafið það öll sem allra best.

 

  1. Desember hefur verið óskaplega fallegur enda ágætt að hafa stöðugt veður og geta bara klætt sig vel.
  2. Síðdegissólarlagið og birtan hefur líka verið ævintýraleg.

Í byrjun desember var haldið leikskólajólaball. Mjög skemmtilegt og kom öllum í jólaskap!!

 

Allir uppteknir af jólasveinagríni :)

 

Hér er búið að baka eitthvað af smákökum...og borða heilmikið af þeim líka reyndar

 

  1. En við höfum nú ekki bara setið og borðað smákökur...við Ástþór Örn höfum verið dugleg að
  2. grípa í spil og held ég að ég hafi fengið staðfestingu á að ég er óheppnasti ólsen-spilari í heimi!!

 

Snjórinn hefur glatt stúfana á heimilinu mjög mikið

 

  1. Ekki hægt að slá slöku við í heimalestrinum þó að nálgist jólin.
  2. Ástþór Örn hefur tekið sér Ráðgátubækur í heimalestri undan farið
  3. og ég því dustað rykið af söguþræði bókanna sem voru jú lesnar fyrir einhverjum
  4. áratugum síðan!!

 

Piparkökubakstur í undirbúningi

 

og nokkrum sætabrauðsdrengjum, lömbum, stjörnum, hestum, refum...síðar!

 

 

  1. Og úr jólabakstrinum skellti ég mér í smá afmælisbakstur og hér var búinn til
  2. Barbapabbi að ósk Arnaldar Kára afmælisbarns! Hann uppgötvaði reyndar þegar
  3. kakan var tilbúin að líklegast hefði verið best að velja aðra afmælisköku
  4. því honum finnst krem voðalega vont!!! En við hin gátum gert kökunni góð skil!
  5. Afmælisstrákurinn var þó ekki að láta eitthvað krem trufla sig þar sem uppáhaldskakan hans,
  6. sem er með bláberjum og hvítu súkkulaði var líka bökuð. Hingað litu nokkrir í kaffi, amma Kata og afi Ástþór, Hrabba og Valli og Tinna og Amelía.
  7. Fékk playmo fiskibát, bíl, bók og töfradót sem allt hitti beint í mark...hér hefur verið mikið "hókus, pókus, fíla-rókus" síðan!!!!

Þrjár dúllur að halda upp á fjögurra ára afmæli, Amelía, Ástþór Örn og Arnaldur Kári

 

  1. Það er enn mjög vinsælt að taka alla kodda, teppi, púða og fleira og búa til hús -
  2. frændsysktin láta fara vel um sig í hósiló!

 

Að morgni afmælisdagsins 19. desember, svolítið hugsi yfir þessu öllu saman

 

  1. Ástþór Örn svolítið stúrinn...að jafna sig á smá dramatík fyrr um morguninn!

 

  1. Teknir upp afmælispakkar frá okkur heimilisfólki! Ástþór Örn hjálpaði að sjálfsögðu aðeins til.
  2. Þarna leyndist margt fallegt eins og sjóræningabátur sem litla "sjó- og fiskimanninum" leist voðalega vel á.

 

Ég ákvað að prófa nýja myndasvipinn hans Arnaldar Kára!

 

  1. Eftir að Arnaldur Kári hafði átt góðan dag á leikskólanum komum við heim og höfðum það notalegt. Fyrsta mál á dagskrá var þó að baka eina
  2. brúnköku með engu kremi að ósk afmælisbarnsins. Hann tók virkan þátt í bakstrinum, enda veit Arnaldur Kári fátt skemmtilegra en að brjóta egg!
  3. Hann er hér í Kermitbol sem hann fékk frá okkur foreldrunum í afmælisgjöf en sjálfur hafði hann séð hann í búð og leist svo ægilega vel á
  4. hann þannig að það var tilvalið að lauma honum í afmælispakka!

 

Afmælisknús frá stóra bróður

 

 

 

Nei sko...hér tókst ein!

 

Svona líka flottur fjögurra ára afmælisstrákur með vel skreytta kórónu af leikskólanum

Blásið á kertin fjögur

Og hér er svo ein af stóra stráknum sem verður 9 ára eftir akkúrat tvo mánuði!

 

  1. Afmælisbarnið hafði óskað sér laxabangsa í afmælisgjöf (hefur reyndar óskað sér
  2. laxabangsa í afmælis- og jólagjafir fram að þessu). Þetta er greinilega ekki það sem flest börn
  3. óska sér þannig að þetta er ekki alveg til úti í búð!!! En allt er til einhvers staðar, meira að segja laxabangsi
  4. og hér voru tekin andköf þegar pakkinn var opnaður um morguninn!!

 

  1. Ég skellti mér svo á kórtónleika að kvöldi 19. desember þar sem allir kórhópar Álfhólsskóla sungu
  2. og spiluðu. Mjög vel heppnað og allir stóðu sig frábærlega!