Sveitahelgi

 

    Drifum okkur í sveitina um helgina, þar sem farið var á fjall að sækja kindur og tínd nokkur bláber!

     

Við mægðin skruppum í smá berjamó í upphafi helgar. Haustvindarnir orðnir svolítið kaldir
og því gott að vera með nýju húfuna og svo prjónaði ég þessa vettlinga á hann og bætti þar aðeins við
í vettlingabankann sem virðist aldrei vera of fullur!

 

 

     

     

Ástþór Örn tíndi svolítið af berjum handa ömmu sinni en þegar ég sá að berin rötuðu flest öll upp í hann
en ekki í dallinn hjálpaði ég nú svolíti til og við náðum í alla vega nokkrar sultukrukkur!

     

    Arnaldur Kári var alsæll að klífa "fjöll" á meðan við tíndum

     

    Álfur í berjamó!?

     

    Fjallgöngugarpar!

     

    Sælir í berjamó en svolítið erfitt að brosa í myndavélina með sólina í augunum

    Nokkrar á leið heim eftir gott sumar á fjallinu

     

    Við rekum saman með Hjarðarfellsbúinu og er öllu fé safnað saman í fjárhúsunum þar

     

    Ástþór Örn fékk að ríða smáspöl í restina og Arnaldur Kári fékk aðiens að máta hann Dufgus

     

    Í sveitinni

Áður en var dregið í dilka drifu knapar sig heim með hrossin sem voru orðin þreytt eftir reksturinn í fjallinu

 

Horft heim í Dal

Á meðan röltum við Arnaldur Kári um á Hjarðarfelli, heilsuðum upp á dýrin og reyndum að sjá
hvort við þekktum ekki einhverjar í fjársafninu!

 

Mér finnst þetta svo sæt mynd sem ég náði af honum þessum sæta sveitastrák sem var svo sæll með þetta allt saman!

Arnaldur Kári vildi helst ekki fara heim þegar tími var kominn og stakk upp á því á sunnudagsmorgninum að við
drifum okkur aftur í fjárhúsin!

 

Og þarna þekktum við nú alla vega eina, hana Fíónu sem er þarna sú hyrnda upp við vegginn

 

Og gleðin var mjög mikil hjá Arnaldi Kára (já og okkur öllum reyndar) þegar við hittum hana Míu
aftur eftir sumar á fjalli!

 

Arnaldur Kári og Mía mundu vel hvort eftir öðru og bauð hann hana
hjartanlega velkomna heim!

 

Arnaldur Kári og Púki fylgjast vel með öllu

 

Þessi heldur tætingslegi hrútur var að koma fram aftur eftir vetrargöngu á fjalli og gæti sjálfsagt
sagt ýmsar sögur...kannski af tröllskessum og alls konar!

 

Ástþór Örn stóð sig vel í að kljást við marga þrjóskupúka í fjárhópnum!

 

 

Í dag ráðast svo örlög þessa hóps. Það voru nokkur ansi væn lömb sem komu af fjalli sem verður gaman að
fylgjast með í húsunum í vetur.

 

Rekstrardagur að kvöldi kominn og það var notalegt að koma heim í Dal í hlýjuna
til ömmu Kötu.

 

Í helgarlok heilsuðum við upp á hestana, gáfum þeim eplabita og svolítið klór.

 

Arnaldur Kári fékk aðeins að setjast á bak á Frakki

 

Við skelltum okkur svo í berjamó

 

Berjasprettan hefur nú oft verið betri og berin ansi misstór eftir breiðum. Þó nokkuð af
aðalbláberjum en þau frekar smá.

 

 

Arnaldur Kári að hvíla sig í mjúkum mosanum og lynginu

 

Aldrei að vita nema hér verði kannski bökuð bláberjakaka með hvítu súkkulaði einhvern næstu daga!

 

Hafið það öll sem best!