21. ágúst

Þá erum við mæðgin komin aftur í sveitina og ætlum að vera í einhverja daga. Eitthvað erfitt að koma sér inn í haustrútínu!! Notalegt að ná smá síðsumri hér með berjatínslu og rólegheitum.

Við þökkum kveðjurnar í Gestabókina, alltaf gaman að fá þær. Vonum að þið hafið það öll sem best :o) Og ef við uppfærum ekki á morgun 22. ágúst viljum við senda henni Láru Dís frænku okkar

í Þýskalandi okkar bestu afmæliskveðjur.

Tunglskin á fallegu kvöldi í Dal

Lesið áður en Ástþór Örn fór í háttinn

Og Arnaldur Kári nývaknaður kúrir hjá ömmu Kötu

Arnaldur Kári 6. febrúar í þessari fínu peysu sem ég prjónaði

Og peysan reyndist svo vel að ég sá mig tilneydda til að prjóna aðra stærri!

Við skruppum svo aðeins með ömmu í berjamó

Nóg af berjunum þetta árið

Fátt notalegra en að kúra vel dúðaður í vagninum!

Trýna farin af stað í smá leiðangur!

Í gær var mikill hestadagur hjá þeim nöfnum. Ástþór Örn byrjaði á að fara á Frakk

Tekur sig ansi vel út!

Ástþór Örn var ægilega ánægður með að ná nokkrum dögum í sveitinni í viðbót.

Á leið í reiðtúr með afa Ástþóri

Klárir í slaginn

Í reiðtúrnum var komist að því að Frakkur hafði tapað skeifu og Ástþór Örn skipti því yfir á Krumma