15. október

Jæja þá er ég nú allur að hressast. Svolítið kvefaður enn þá en allt á réttri leið. Var nú samt heima í dag.

Búinn að vera að "hjálpa" mömmu að taka til, leika og ekki má gleyma smá Múmínálfum og Prúðuleikurum.

Amma Kata og afi Ástþór eru svo að koma heim frá Tyrklandi í kvöld og amma Hilla og afi Örn að koma til Reykjavíkur á morgun!

Verður gaman að hitta þau öll.

Ég er svolítið mikið að vilja gramsa í kössum sem mamma og pabbi eiga eftir að taka upp úr.

Í morgun rakst ég á spiladós sem mamma á. Ég varð voða skotinn í stelpunni sem dansar þegar maður trekkir upp!!

Glápti á hana endalaust og trúði ekki að það væri ekki hægt að ná henni úr þessum kassa!

Hún fékk svo að sjálfsögðu stóran koss!!!

Í kaffitímanum. Má ekki skilja lambið út undan

Og smá knús :o)

Góða helgi !