Þjóðhátíðarhelgi í Dal

Við skruppum um helgina í Dal. Á 17. júní var mesta þoka í manna minnum og því ekki hægt að vera eins mikið

úti og við ætluðum okkur. Við gátum þó komið niður svolítið af plöntum í ausandi rigningu! Í dag gátum við verið svolítið úti, fórum

meðal annars á hestbak. Ástþór Örn er orðinn spenntur að komast í sumarfrí til að geta verið sem mest í sveitinni.

Hann spyr raunar reglulega hvort hann megi eiga heima í sveitinni. Núna er hann ansi upptekinn af öllu fuglalífinu og eru

þeir nafnar að fylgjast með hrossagaukshreiðri sem mikil spenna ríkir yfir! Ætlum að skjótast í afmæli pabba í vikunni og er

Ástþór Örn ansi spenntur að spila afmælissönginn á gítarinn og athuga hvort ungar séu komnir í hreiðrið.

Orðið sumarlegt í Dal...við vorum ekki alveg viss um tíma á 17. júní hvort að það væri bara að koma haust!!

Elfa með litlu merina sem fæddist á meðan við vorum í Tyrklandi. Sú litla hefur ekki fengið nafn.

Ástþór Örn tók alveg óumbeðinn að sér að halda uppi fjörinu í Dal. Með nýja gítarinn sem amma Kata

gaf honum.

Nafnarnir að lita girnilega ísrétti :o)

Og Sigurður Ágúst leysir Soduko

Sigurður Ágúst og Ástþór Örn teyma Skugga, Létti og Frakk úr öllu grasinu yfir í gerðið.

Allt gert klárt fyrir reiðtúrinn

Ástþór Örn var teymdur einn hring á Krumma. Hann fór svo inn og slappaði af hjá ömmu Kötu á meðan

við fórum í reiðtúr. Og einmitt í reiðtúrnum varð myndavélin batteríislaus og því ekki hægt að skjalfesta ferðina,

sem var ansi vel heppnuð.

Heilsað upp á hestana í gerðinu eftir reiðtúrinn

Við gátum komið svolitlu niður af plöntum þessa helgina. Hér er brot af því sem sett var niður fyrir ári,

sem hefur braggast vel.

Glaður í sveitinni að hoppa í pollum!

Píla slappar af...

en fékk þó ekki lengi að vera í friði!

Félagarnir Píla og Ástþór Örn úti að leika í dag. Aumingja Trýna lenti fyrir bíl á fimmtudaginn og vonum við

að hún sé nú á batavegi eftir ansi erfiða daga.

Og ein dásemdar sumarmynd í lokin!