Ágústmyndir úr sveitinni

 

Hér er svolítið af ágústmyndum, sem mér finnst varla hægt að troða inn á síðu þeirra bræðra...enda eru þetta hálfgerðar montmyndir úr sumaralbúminu mínu! En má maður nú ekki aðeins monta sig á eigin síðu?!

 

Stórsnillingurinn Skuggi og Hrafn í baksýn. Skuggi er uppáhaldshestur eiginlega allra, sama hvort
sem þeir þora á bak eða ekki (eins og ég!). Hann er 13 vetra, ótrúlega vinnusamur og ef hann væri bíll
væri hann einhverja svaka stóra og flotta vél, marga gíra, drif og alls konar!

 

Skuggi var því ekki í vandræðum með að ríða út á klettabrúnir og fleira þegar við pabbi fórum í ferð niður með ánni
að vestanverðu til að taka myndir.

 

Horft niður eftir Dufgusdalnum

 

Ég fór nú ekki út á brúnina til að ná myndum en smellti bara af einni sjálfsmynd í staðinn!

 

Við Léttir með Rjúkanda í baksýn

 

Nokkrar sólarlags- og skýjafarsmyndir...gat ekki skorið meira niður og sýni því fleiri en færri!

 

 

 

 

 

 

Í ágústbyrjun áttum við pabbi stöng í holli í ánni. Hér er pabbi við Rjúkanda

 

Píla sat og "fylgdist" með veiðinni á meðan hún dormaði...og lét sig kannski bara dreyma um harðfisk eða
græna lautu og sólargeisla!

 

Eða kannski bara notalega stund við Grænabakka!!

 

Í Sjávarfossi með lax á...en hann hafði betur á lokasprettinum eftir stórskemmtilega viðureign

 

Píla ótrúlega spennt yfir sjóbirtingi á leið á land

 

Náði svo öðrum sjóbirtingi en laxinn leit ekki við flugunni frekar

 

Í sumar tíndi ég svolítið af jurtum í te. Fyrr í sumar tíndi ég blóðberg og birki og örlítið seinna vallhumal og ljónslappa.
Í byrjun ágúst var svo mjaðjurtin klár til tínslu. Þetta er svo allt þurrkað og klárt í haustteið (efast um að mér endist það
langt fram á vetur og stefni að því að tína mun meira næsta sumar).

 

Það verður nú að vera ein maríuerlumynd með. Mér fannst þessi svo óskaplega sæt þar sem hún "brosti" í myndavélina

 

xxx

Og talandi um myndasvip! Þetta er hann Frakkur. Hann er 11 vetra og alveg óskaplega skemmtilegur hestur. Þið trúið því kannski ekki en hann hefur
ótrúlegan húmor og einstaka lund. Góður reiðhestur og fallegur. Ástþór Örn er ákaflega stoltur eigandi Frakks.

 

Svo kann hann líka að passa börn!! Honum leist ekkert á þetta klifur í Arnaldi Kára og hreinlega stoppaði hann í að fara lengra.

 

Dalur og Elliðatindar í sól og sumaryl

 

Og þessa tók Ástþór Örn af mér...bara nokkuð sumarleg og fín

 

Ég tíndi nokkrar engjarósir og fleiri blóm saman í smá vönd og inn læddist þessi lirfa sem fékk að vera í friði

 

Og morguninn eftir hafði hún breyst svolítið! Tekið í sig rauðan lit engjarósarinnar

 

Reyniberin gáfu til kynna að sumri væri farið að halla

 

Eitt fallegt ágústkvöld fóru í gegn hjá okkur mikið hestastóð og þó nokkrir knapar sem voru á þriðja degi sjö daga hestaferðar

 

Ég rölti út og fylgdist með stóðinu og rölti svo við og heilsaði upp á hana Hnotu sem var nýkomin heim úr tamningu. Frakk var ekkert meira en
svo vel við athyglina sem hún fékk og lét vita vel af sér líka til að athuga hvort að það væri nokkuð verið að gleyma honum og kannski bera
það undir mig að það væri gaman að fara í nokkra daga hestaferð einn góðan veðurdag!

 

Og hér er ég komin á bak Hnotu. Hryssuna fékk ég í þrítugsafmælisgjöf frá foreldrum mínum.
Hún hefur nú alveg hrist af sér viðurnefnið Grimmhildur þó að hún sé alls ekki skaplaus sem betur fer!
Hún fór fyrir tveimur árum í frumtamningu hjá henni Söru hálfsystur minni sem vissi ekki alveg hverju hún
átti að eiga von á í ljósi viðurnefnisins! En þar gekk henni ljómandi vel og lærð margt. Í fyrrasumar og í sumar var hún svo í þjálfun hjá strák sem býr á nesinu
og gekk mjög vel. Og hér erum við svo komnar saman af stað. Hún Hnota er undan Elfu sem pabbi átti (Dufgus er einnig undan henni) og honum Kapli sem
er hvíti fallegi gæðingurinn utan á hestabókinni stóru til dæmis...en hann er mikil fyrirsæta og hefur verið á allt frá bolum til konfektkassa!! Með tímanum má
gera ráð fyrir að Hnota verði enn ljósari en hún fæddist brúnskjótt.

 

Pabbi tók þessa mynd af Arnari sem sýndi það sem hún hafði lært þegar hann kom með hana heim aftur...
ég þyrfti að fá svona fína mynd af mér líka!