Æfingakennsla 19. og 26. nóvember 2007
Nemandi/kennari: Ester Þorsteinsdóttir
Æfingakennari: Þóra Elfa Björnsson

Iðnskólinn í Reykjavík

Viðfangsefni:
Forvinnsla á göngum til umbúðaprentun
GRM173 – Inngangur að grafískri miðlun.

... Í áfanganum er unnið með afmörkuð, stýrð verkefni sem fjalla að mestu um týpógrafíu og tengda hluti. Viðfangsefnin eru þættir eins og síðugrindur og umfangsreikningnur þar sem gengið er út frá breytilegum prentfleti og dálkafjölda og unnið með mismunandi leturtegundir, leturstærðir og leturfót. Nemendur nálgast myndvinnslu út frá sjónarhorni prent- og netmiðla, vinna með minnkun og stækkun mynda og myndskurð miðað við fyrirhugaða notkun. Farið er yfir staðsetningu mynda miðað við opnu í tímariti eða bók. Kynnt fjölbreytt notkun texta og mynda og myndaritstjórn rædd. Kynnt eru áhrif bókbands; prentunar og frágangs á verkskipulag og farið er yfir frágang og hreinskurð. Verkferlar framleiðslunnar, prófarkastaðall og gerð ferilslýsinga eru kynnt.
(Námsvísir Iðnskólans í Reykjavík 2006-2007.Upplýsinga- og fjölmiðlagreinar, bls. 124).

Nemendahópur:
Nemendur í grunnnámi upplýsinga og fjölmiðlabrautar við Iðnskólann í Reykjavík.

Markmið:
Ég er prentsmiður að mennt og hef unnið í prentsmiðjum sem sérhæfir sig í offsetprentun, silkiprentun og flexóprentun og tel mig því nokkuð fróða um þessar prentanir.
Það er margt að hugsa um í sambandi við ólíkar prentaðferðir sem til eru og til að útskýra þessar aðferðir til nemanda tel ég að fyrirlestrar, sýnikennsla og skoðunarferðir sé besta leiðin. Markmið mín í þessari æfingakennslu er því að gefa nemendum sýn inní eina slíka prentaðferð sem notuð er í dag en það er flexóprentun.
Ég byrjaði á að hafa stuttan fyrirlestur sem fór í að útskýra hverja aðferð fyrir sig á skiljanlegan hátt. Í þeim var stuðst við glærur en einnig var ég með raunveruleg gögn t.d. ýmisskonar áprentaðar umbúðir og sælgætispoka sem flestir þekkja til.
Í undirbúningi gagna fyrir flexóprentun þar að huga að fleiri atriðum heldur en í offset prentun. Það þarf í flestum tilfellum að hafa hvítan prentlit undir prentfletinum. Í flexóprentun er efnið ætíð á ferð í prentun og því mikið óregister sem kallar á að einnig þurfi að gæta þess að þar sem litir skerast þarf að „fita“ en það er gert til að hvíti liturinn sjáist ekki. Annar væri hann að gægjast á umbúðunum.
Eftir útskýringu á aðferðum var hlé og þá fóru nemendur að spyrja og tala saman.
Þegar búið er að vera með upplýsingaflæði til nemenda með fyrirlestrum einsog þessum þætti mér tilvalið að sýna þeim framkvæmdina í vinnslu. Því ákvað ég í seinni tímanum að hitta nemendurna í prentsmiðju Plastprents og leyfa þeim að fá kynningu á aðferðinni í faggreininni.
Í þeirri ferð tók Ævar á móti okkur, mér og nemendunum ásamt Þóru og Haraldi, kennurum.  Ævar er yfir hönnunardeild Plastprents. Hann byrjaði á að sýna okkur hvernig ferlið gengi fyrir sig. Við fengum að sjá skjal í tölvunni svo hann gat útskýrt nánar „fitunina“. Við fórum og sáum klisjugerðina og hvernig allt leit út í prentsmiðjunni. Nemendunum fannst þetta mjög spennandi og skemmtilegt. Í svona ferðum finnst mér góður og langur tími skipta höfuðmáli, að það sé ekki hlaupið yfir allt. Þegar verið er að skoða eitthvað þá sé stutt stopp svo hægt sé að spyrja og svara spurningum.
Þau voru ánægð með að fá fyrst fyrirlesturinn hjá mér og sjá þetta svona „life“. Sumir tóku betur eftir t.d. var ein sem skrifaði niður allan þann fróðleik sem hún náði.

Hvað gera nemendurnir?:
Ég var ekki með nein verkefni fyrir þau. Ég vildi að þau væru dugleg að spyrja og yrðu forvitin. Því valdi ég vinsæla sælgætispoka til að sýna og taldi það vekja áhuga þeirra meira heldur en að vera með hina hefðbundnu innkaupapoka.