Heimildaskrá

1. Aðalnámskrá grunnskóla. Almennur hluti.  2006. Menntamálaráðuneytið, Reykjavík.

Í aðalnámskrá grunnskóla er lögð megináhersla á að námsmarkmið séu sett fram á
skýran hátt þannig að hvorki kennarar, nemendur né foreldrar velkist í vafa um hvaða
kröfur eru gerðar til nemenda og skóla. Sömu kröfur eru gerðar til skólanámskrár.
Aðalnámskrá setur skólum almenn viðmið en það er aftur á móti hvers skóla að útfæra
þau nánar í skólanámskrá bæði með tilliti til þess nemendahóps sem stundar nám í
skólanum sem og þeirra kennsluhátta sem skólinn aðhyllist. Í skólanámskrá birtist
stefna skólans og þau gildi sem hún grundvallast á og hvernig skólinn útfærir ýmis
almenn og fagbundin markmið aðalnámskrár, skipulag kennslu og kennsluhætti. Einnig skal fjalla þar um sjálfsmatsáætlun og tilhögun námsmats.

2. Ingvar Sigurgeirsson, 1999. Að mörgu er að hyggja. Reykjavík. Æskan ehf.

Að mörgu er að hyggja er handbók sem ætlað er það hlutverk að vekja til umhugsunar um öll þau atriði sem þarf að gefa gaum þegar kennsla er umdirbúin. Bókin fjallar fyrst og fremst um undirbúning kennslunnar sjálfrar. Bókin er hugsuð fyrir kennaraefni en hún ætti að geta gagnast kennurum og öðrum þeim sem vinna við kennslu og vilja vanda til verks. Bókin er góð við undirbúning kennslu á öllum skólastigum sem og við undirbúning hverskyns námskeiða. Í bókinni er gert ráð fyrir því að undirbúningur kennslunnar felist í eftirfarandi spurningum:

3. Linn, R.L. og Gronlund, N.E. 1998. Mælingar og mat í skólastarfi. Reykjavík. Bóksala kennaranema, KHÍ.

Þessi bók er tengist námsmati og er mjög gagnleg þeim sem hafa áhuga á að auka við þekkingu sína. Gronlund og Linn telja námsmat vera kerfisbundið ferli við að finna út hvort og að hvaða marki nemendur hafa náð markmiðum námsins, þ.e. þeim námsárangri sem að er stefnt. Við námsmat beitum við þessum aðferðum til að lýsa þeim breytingum sem verða á nemendum og til að meta hversu æskilegar þær eru. Það má lesa út úr þessari skilgreiningu að námsmat er flókið og vandmeðfarið ferli. Námsmat er mjög yfirgripsmikið hugtak sem felur í sér allar þær aðferðir sem notaðar eru til að safna upplýsingum um nám og framfarir nemenda.

4. Rowntree, D. 1983. Matsatriði. Námsmat og áhrif þess. Reykjavík. Námsgagnastofnun.

Bókin fjallar um námsmat og áhrif þess. Höfundur varpar fram fjölmörgum spurningum varðandi námsmat s.s hvað er námsmat?, tilgangur námsmats, aukaáhrif námsmats, hvað á að meta?, hvernig á að meta?, hvernig skal túlka niðurstöður.